8鍋臭臭鍋 (謝斐道) (已結業)

係銅鑼灣睇完戲睇下有咩食，最尾揀左呢間8鍋。之前係尖沙咀已經食過一次，但就要攞飛排隊，今次可能因為時段關係，完全吾洗等。8鍋故名思義就係有八個一人鍋可供選擇，每個鍋除左湯底吾同，啲配料都有吾同，我就揀左牛奶芝士鍋，吾洗等好耐就有得食喇。個鍋賣相好吸引，雪白既牛奶湯底，面頭加左半融既芝士，仲有隻蛋，配料都好豐富，有好多款丸，豆腐，南瓜，娃娃菜，蜆等等，肉就豚肉黎，如果中意食牛就要另外加喇。份量黎講都好夠，因為另外仲有個粉絲送既，可以揀飯同烏冬添。