意蠔屋 (已結業)

星期六去咗海洋公園玩，玩到散晒，經旺角返屋企嘅時候順便喺女人街搵間嘢食下晚餐就算，唔打唔撞比我行咗入去一間有得食蠔，啲芝士焗嘅食物又好好食嘅一間平平哋餐廳－意蠔屋。入到去裝修都係普普通通，牆上面有部大電視睇，睇Menu見到佢哋有個$268二人套餐，諗都唔使諗，已經有晒我哋最想食嘅嘢啦，就叫咗個二人套餐啦。羅宋湯味道帶少少辣，偏甜，有好多雜菜喺裏面，材料豐富。生蠔五隻點解會有四隻變咗五隻呢，侍應話原來今日返嗰啲好比較細隻，所以呢就比多一隻當補償，咁都幾公道喎，因為我本身都唔知佢啲蠔有幾大隻，啲蠔大概食指咁長，比想像中脹卜卜啲，都幾大姐，食落無腥味，海水味都重。芝士焗蠔兩隻芝士真係焗蠔嘅最正配搭，呢度嘅芝士鋪滿面，軟淋淋又幼滑嘅芝士配上脹卜卜嘅焗蠔，仲要有拉絲添，芝士奶香味濃，口感豐富，最重要係焗蠔冇漏水，唔會溝稀左芝士嘅味道。黑松露雜菌大蝦長通粉因為另外一個都揀天使麵嘅關係，呢個我哋就問侍應有冇得轉其他嘅麵底，最後就揀咗長通粉啦。一上枱黑松露嘅香味就撲鼻而來，分量十足，而且仲有四隻大蝦，肉質彈牙，唯一嘅缺點就係要自己剝，但係夠晒厚肉，長通粉軟硬適中配上濃濃嘅黑松露雜菌白汁，容易入口。芝士