紅茶冰室 (已結業)

觀塘飯堂之一，長期人多，價錢相宜，不過就好忙，同地下比較污糟，我覺得有點似大排檔的衛生情況。由於地理位置優勢，打工仔食lunch就經常黎，當然伙記都做到無停手，自然態度都唔會話好得去邊啦。無論點餐定咩，佢都要你快，我差點未點完餐，個伙記就想走左去。我同同事一起食下午茶，我叫左個芝士流心西多士，加紅豆冰。杯紅豆冰，甜過飲糖水，就連粒紅豆都難食過人，我覺得仲衰過大家樂。至於個流心西多士，我就覺得好出色。一切開左個西多，芝士係真係由多士入面湧出來，非常好食。呢個招牌，我覺得可以翻食好多次。不過紅豆冰就免了。