新記芝士麵 (已結業)

朋友話今日帶我去食一間尖沙咀幾出名嘅芝士撈麵，點知原來呢間野都幾偏僻，入到香檳大廈轉咗幾個圈終於搵到。雖然佢好隱蔽，但原來都幾多人食過推介。朋友叫左雞扒芝士撈公仔麵，我就揀左豬扒芝士撈公仔麵，再加一碟蜜汁龍鬚share。勁多芝士汁喺面超邪惡，芝士味超香濃又唔會好鹹，鍾意食芝士撈麵嘅人一定要黎試下！雖然多汁但係又唔會搞到啲麵淋晒，同埋豬扒都算大塊幾好食。蜜汁龍鬚其實係魷魚鬚，唔會太硬，甜甜地幾好食仲有芝麻喺面。