Dodam Chicken (1亞太中心) (已結業)

晚上去左觀塘食雞，因為唔係好肚餓同埋知道啲嘢食應該好大份，所以我哋兩個人嗌左：雙重芝士辣雞本身鐵板上有辣雞、年糕、獅子狗、洋蔥，仲有無限咁多嘅芝士，然後佢再用一個提子包載住啲芝士汁，真係超多。提子包上面嘅芝士汁係超級濃，但又唔算好鹹嗰隻。點埋落啲雞度真係好味。我哋仲食晒成個提子包嗌咗兩杯嘢飲一杯係Mango Smoothie, 甜甜地凍凍地好似沙冰咁又酸酸地, 好開胃。杯啤酒當然好飲啦，因為啲雞都有少少辣㗎，所以加埋一齊你食就一流啦！