叁薯 (已結業)

成日去厚福街食嘢就食得多，唔講唔知，原來厚福街轉角位開咗間小食店，仲要係米芝蓮指南推介街頭小吃，喺出邊見到個餐牌，又唔係特別貴喎，咁就行左入去座低喇。話明係食薯仔嘅，叫咗重量級芝士焗薯先，個薯仔口感軟硬適中，配上芝士汁，咩餸菜都唔使都已經好好食啦。其實我係幾鍾意食芝士嘅，所以順便叫埋個芝士蝦餅，蝦餅外身炸到好脆口，一啖咬落去啲芝士"必"曬出嚟,入邊隻蝦好爽口，呢個食到停唔到口，我要食兩份先夠喉。尼個係芝士雞蛋沙律熱狗，個雞蛋沙律口感幾特別，食落去都幾粘口，一定好足料，呢個一定要試。唔夠喉再叫多個香辣惹味雞，呢個雞個辣度都可以接受，平時我唔食辣野都可以食到，咬落去都有汁，入邊整到幾滑，因為地方唔係好大，可以避開人多嘅時間食就唔使等得咁辛苦啦。