Waffle Corner (麗閣商場) (已結業)

下午茶時間，喺長沙灣做完嘢，想食少少嘢先返屋企，於是嚟到麗閣商場嘅 Waffle Corner。十七蚊份芝士鹹牛肉飛碟，加十蚊配多杯珍珠奶茶，算幾抵食。飛碟嚟講，我覺得芝士同鹹牛肉係絕配，兩者嘅鹹香味道夾喺烘過嘅麵包當中，只要趁熱食，確係好滋味。至於杯珍珠奶茶，茶味算夠，但係略嫌冰塊太多，好快成杯嘢就淡哂，珍珠亦都冇咩味，呢個有待改善。