初凝 · 芝茶 (已結業)

要掃街唔一定要去葵廣，嚟旺中亦一樣得👌。我同朋友第一站就去咗買嘢飲。茶飲店選擇繁多，但我哋決定要支持💛小店「初凝 · 芝茶」。店員們幾好禮貌，並且清楚飲品内容，兼主動建議甜度同冰度👍。呢度主打自家製奶蓋，必定要試試佢啊。飲品定價幾抵，今時今日仲見到有$1X實屬非常難得。初凝芝·玄米玉露($28)，🧀芝士奶蓋無令人失望，芝味濃郁，鹹甜度適中，又夠綿滑。茶底本身亦唔錯，🍵玉露綠茶清香唔澀，但相反地玄米味就好弱，同我預期中有啲出入。黑糖特調珍珠奶茶($28)，珍奶味道恰如其分🧋，各方面都處理得唔錯。奶茶口感細滑，飲落好順，而黑糖珍珠就好正，甜得嚟唔過火、唔纏人，質感仲好Q彈添，讓人著迷😍。總括嚟講，小店質素不俗，出品富有自家特色，值得大家多多支持💪。我下次經過都會再幫襯，要再飲奶蓋啊。