芝加哥串燒酒場 (太和中心)

好耐冇燒嘢食了，琴日又去咗大埔個間芝加哥燒烤酒埸，今次叫咗特別嘅野食。 1、蒲燒完條鰻魚珍珠飯，超大份鰻魚，先$78。而且，好入味，珍珠飯味軟硬度啱啱好。2、蜜糖黑豚扒珍珠飯，我比較大食好在呢個份量十足，啱曬我。扒大塊又新鮮，唔會太硬，香噴噴，食完好飽，低過叫串燒。3、燒羊架，呢個好低食，肥瘦適中5會太油膩，配薄荷醬一流。每次必需要叫呢個，因為佢有獨家辣粉。其他地方，食唔到呢個味。4，流心芝士漢堡包🍔，一切開，芝士流晒出嚟，超吸引。而且，好芝士濃味，比平時食個D漢堡包好味好多。最後同朋友，一人叫左一杯酒。慢慢傾計食嘢又過咗一日。