甜甜地 (已搬遷) 新店位置

行黎行去成日唔係太原街就sogo，一於行遠d，過埋修頓球場去朝聖覓食，會一會芒滋滋。行到過黎先知，原來譚臣道仲未行完，真係大鄉理。。。嘩！成$30一碟得個四舊，今個禮拜唔洗指意出街食飯。不過若果有料o既，咁$30蚊都值o既。芒滋滋以整條芒果糯米皮包住芒果醬同芒果肉，並非獨立包裝，食o既時候有雙重口感；糯米皮真係好糯，甚布有d過lum，就咁用叉一壓落去就分得開，可以考慮再QQ一d(台灣叫煙韌做QQ )；芒果勁正，一咬落去有股久違了的芒果清香，而且包甜，唔似黃X珍or X珍珍個d咁酸咪咪。印象中初次跟芒滋滋邂逅應該是係元朗o既B仔涼粉，煙韌適中，不過呢度o既芒果香好多，而家好似仲有餘韻。