雅樂吧 (已結業)

前幾日系父親節，阿爸好鍾意食芒果架，所以同左屋企人去日航食芒果buffet慶祝父親節.唔洗問阿爸一去到未坐低就一支箭衝左去buffet台啦，因為一入去就聞到好勁芒果香，鍾意食芒果ｏ既人一定受唔住．一開波就ｏ黎個迷你芒果pizza,聽落好似好怪，但個賣相好靚，面鋪左好多層芒果片，個批系薄批，好鬆脆架．仲有個芒果鮮蝦春卷配芒果汁，ｄ芒果同蝦都好新鮮，ｄ蝦仲好大隻tim,個芒果汁先至出色，酸酸甜甜，好醒胃，我食左好多ar,好怕生暗瘡ar.甜品就有香芒椰汁慕絲，超香椰汁味，好creamy同好滑．其他野食都好好味．雖然個位望唔到海景，但都ｏｋ，同埋個環境都幾好，我屋企人怕嘈架，而ｏ個到都ｏｋ，靜靜地，好適合傾計，就算ｏ個日好多人，但都唔會好嘈．我下次會再約friend去．