Mango Mania (已結業)

天氣咁熱，最岩食返個冰凍甜品!今日去左港島東，上網睇完一輪甜品舖，最後揀左Mango Mania，位於北角和富中心地下，都幾近地鐵站，位置好方便。來自清邁既Mango Mania，主打以泰國水仙芒製作一系列芒果甜品，餐牌設計精美，圖文並茂，款款都好吸引～主打有多款冰磚、蜜糖多士、糯米飯芭菲、各款特飲等。下午茶時間有少少肚餓，最後決定要熱情冰磚同芒果蜜糖吐司。熱情冰磚，一上枱勁吸晴，有齊芒果肉、菠蘿同椰子肉。旁邊仲有煉奶同芒果汁。芒果肉香甜無渣，甜度非常高，菠蘿清脆多汁、椰子肉甘甜滑脆。內有牛奶刨冰，超香濃奶味夠哂香滑，配以煉奶同芒果汁同食，層次感豐富。芒果蜜糖吐司厚多士加以牛油、蜜糖微微烘過，香脆可口夠哂邪惡，旁邊有芒果糯米飯，口感軟糯有嚼勁，微鹹又帶甜，口感好平衡，仲有一球椰子味雪糕，一凍一熱好過癮。