昌發泰國粉麵屋

因為上次係尖沙咀食左間好出名的船麵，但難食到好失望。
所以今日特登黎九龍城搵食，希望可以食返碗好味船麵。
我地兩個人叫左鴨肉湯金邊粉+遊船河金邊粉+豬頸肉沙律+芒果沙冰

芒果冰沙

宜家天時咁熱，一定要飲凍野降降溫
芒果冰沙真係勁好味，酸酸甜甜好開胃，又大杯，兩個人share飲都夠

鴨肉湯金邊粉

兩碗湯粉都轉左做金邊粉，係我最愛的幼身金邊粉❤️
個湯底都好好味，都夠大碗夠飽。

豬頸肉都不錯，但略嫌份量少左啲

至於餐廳環境就麻麻地啦，不過九龍城大部分餐廳都係咁架喇
埋單total$213