Joyful Dessert House (已結業)

星期六行完山出旺角食飯順便買嘢， 食飽飯就一定會食甜品， google見到附近有一間甜品店， 望到相好似好正， 就比個機會試下。 去到唔使排隊直入， 四個人叫咗兩個芒果拿破崙、一個燒菠蘿雪芭， 同埋綠茶心太軟拌雪糕。 我冇同朋友share, 自私食拿破崙， 個酥皮好香脆，偏硬。 中間夾住嘅芒果忌廉好甜， 係非常甜！ 芒果雪糕就正常。 偷食咗一啖燒菠蘿，好酸，個感覺好古怪！應該唔會再幫襯喇！