Crostini Bakery & Cafe (已結業)

今日老闆生日，同事買咗個蛋糕同佢賀一賀佢。食東海堂食到厭，今次試一試新嘢，揀咗Crostini嘅芒果拿破崙蛋糕。蛋糕睇落好grand，三層酥皮層層分明，面層鋪上Crostini自家朱古力，落睇相當賞心悅目。酥皮相當鬆化，即使放入雪櫃雪咗陣依然無變腍，而且唔會過乾，保持住有少少濕潤嘅口感。吉士都做得好好，好creamy，唔會太甜又有蛋香，而且唔會有種有魚膠粉漿住變到好似jelly嘅口感。一個蛋糕都切到九份左右，算係好抵食，不過呢啲蛋糕有個唔好處就會切到周圍都係好呢hea！