沐白小農 (已結業)

放假同好姊妹嚟尖沙咀行街，行到攰攰地經過沐白小農，見到有我哋都好鍾意嘅芋頭鮮奶，仲要有位置可以坐，決定入嚟飲杯嘢休息一陣😊沐白黑糖波霸鮮奶($30): 勁多珍珠，飲到尾都仲有好多珍珠喺度😁大甲芋頭鮮奶($30): 芋頭蓉裏面有好多粒粒嘅芋頭碎，咬落好香，好足料👍🏻同鮮奶好夾，我哋兩個都一致認為呢杯係必飲嘅😍草莓鮮奶($35): 叫咗小甜少冰，飲落好似士多啤梨乳酪，有一粒粒嘅士多啤梨果肉喺入面，酸酸甜甜好好飲❤坐位好舒服，仲好貼心咁放左叉電線俾人客叉電👍🏻