嚐仙 (已結業)

呢日同朋友在重慶大廈食完咖哩之後就係尖沙咀周圍行下想搵間甜品食下糖水，呢個時候就搵到嚐仙啦。一行四人各自都點左唔同嘅糖水，分別是雙芋仙草奶凍、黃金地瓜泥仙草奶凍、雙芋布丁和黃金地瓜泥豆花。我地大家都交換黎食，品嚐之下發現芋頭類別嘅都比較好食。雙芋系列嘅甜品上都有一坨芋頭泥，細滑而且幾香，值得一試。同樣地，黃金地瓜泥系列上面都有一坨蕃薯泥，但好明顯地，蕃薯泥不太細滑而且有好多顆粒感，蕃薯亦唔夠甜香，無左蕃薯原本嘅香氣。除左芋頭泥同蕃薯泥之外，配料都幾好食，例如係芋圓同仙草，所以總括黎講，我比較推薦大家可以點選雙芋系列嘅餐點，而黃金地瓜泥系列就要睇個人鍾唔鍾意顆粒感。