影片
更多
2023-01-14
438 浏览
雖然呢個已經興咗一排，但係都係試一試最出名一定係佢個芋泥布丁包，不過好似食得太多布甸包，所以今次食撻▶️ 芋泥麻薯布丁撻 ($16)個樣似蛋撻，但係個面係葡撻面皮係曲奇皮，望落有咁上下厚度曲奇皮超香脆❤️真係好似食緊牛油曲奇咁，感覺唔太油膩，咬落都唔容易散不過個底就厚咗少少🤏🏻比起正常蛋撻高身接近兩倍，自然裝得到更多「餡」味道上唔係平時蛋撻食到嘅蛋香味，呢個比較似吉士，creamy啲，同布甸包個布甸一樣味嘅🍮只係多咗面頭有葡撻嗰種味不過布甸嘅部份都唔算多，因為仲包住芋泥同麻薯！中間有成大粒白雪雪嘅麻薯，咬落煙韌，食落黏黏哋，添加左另一種口感層次🤤本身唔係特別鍾意食芋泥，但係佢呢個芋泥唔係好重芋頭味，感覺又冇加好多糖或者牛奶，所以唔太甜而且磨到好蓉，食落幾滑又帶少少起沙口感👍🏻一個蛋撻已經食到咁多唔同層次同味道，但係又唔會唔夾或者搶咗大家嘅味-將近年興嘅元素加入傳統蛋撻到，幾欣賞呢種創意同肯創新嘅心態不過價錢上貴咗少少 (如果比起傳統蛋撻嘅話)另外買咗個芋泥布甸包，不過佢放起個根本唔啱size嘅膠盒入邊，閂埋拎返屋企完全扁咗，賣相大打折扣😬如果要我揀，可能自己會比較prefer傳統蛋撻，尤其
最出名一定係佢個芋泥布丁包，不過好似食得太多布甸包，所以今次食撻
▶️ 芋泥麻薯布丁撻 ($16)
個樣似蛋撻，但係個面係葡撻面
皮係曲奇皮，望落有咁上下厚度
曲奇皮超香脆❤️真係好似食緊牛油曲奇咁，感覺唔太油膩，咬落都唔容易散
不過個底就厚咗少少🤏🏻
比起正常蛋撻高身接近兩倍，自然裝得到更多「餡」
味道上唔係平時蛋撻食到嘅蛋香味，呢個比較似吉士，creamy啲，同布甸包個布甸一樣味嘅🍮只係多咗面頭有葡撻嗰種味
不過布甸嘅部份都唔算多，因為仲包住芋泥同麻薯！
中間有成大粒白雪雪嘅麻薯，咬落煙韌，食落黏黏哋，添加左另一種口感層次🤤
本身唔係特別鍾意食芋泥，但係佢呢個芋泥唔係好重芋頭味，感覺又冇加好多糖或者牛奶，所以唔太甜
而且磨到好蓉，食落幾滑又帶少少起沙口感👍🏻
一個蛋撻已經食到咁多唔同層次同味道，但係又唔會唔夾或者搶咗大家嘅味
-
將近年興嘅元素加入傳統蛋撻到，幾欣賞呢種創意同肯創新嘅心態
不過價錢上貴咗少少 (如果比起傳統蛋撻嘅話)
另外買咗個芋泥布甸包，不過佢放起個根本唔啱size嘅膠盒入邊，閂埋拎返屋企完全扁咗，賣相大打折扣😬
如果要我揀，可能自己會比較prefer傳統蛋撻，尤其嗰種好eggy嘅口感
不過呢個一試無妨，間唔時試吓新嘢都幾好
张贴
