幸子茶屋 (已結業)

呢間舖頭細細，位於美居中心入面，比較多街坊幫襯。得壹個職員，如果放學時間應該都要等幾耐。原來依間係全港首間鍋煮奶茶店，比平時即沖嘅奶茶會更加香滑。牛奶係用特濃4.3牛奶，配搭台灣直送茶葉，每日新鮮製造奶茶，並限量供應，聽見已經覺得好吸引。除了鍋煮奶茶之外，還供應其他台式飲品，雪沙和果茶等等，有選擇困難症嘅我都揀咗好耐。招牌菜有芋泥鮮奶小芋圓，芋泥打得很滑，淡淡芋頭香，亦有很多芋圓，煙煙韌韌，軟硬適中，口感豐富。飲完芋泥奶，芋泥拱都未夠喉，就要食芋泥肉鬆麻薯厚吐司！整塊吐司都鋪滿3cm厚嘅芋泥，視覺嘅震撼加咗肉鬆鹹鹹甜甜，又有麻薯煙煙韌韌，好得意。第一次食咁嘅配搭，不過有幾好食。甲幸子茶屋 Bliss Tea @blissteahongkong深水埗福榮街218號美居中心地下 41A號舖#幸子茶屋 #blisstea #香港台式茶屋 #珍珠奶茶#小清新 cafe 林幸子茶屋鍋煮奶茶 ＃台式果茶#芋圓＃台式飲品店 #深水埗美食