鮮芋仙 (V Point )

营业中

休息中

呢間係台灣嘅過江龍—鮮芋仙。喺銅鑼灣見到人龍都長長地，但又諗住點都同朋友食，所以就排隊，排咗成個鐘！ 我朋友仲要喺我排完俾埋錢佢先出現！一向都好鍾意食芋圓糯米糍呢啲煙煙靭靭嘅嘢，所以都一直好想朝聖！朋友就本身唔太好芋圓，但佢都覺得好食，姐係好似一個唔食榴槤嘅人都覺得榴槤好食嘅話呢，個榴槤真係幾好食！唔知大家明唔明我講嘅嘢呢😂 我覺得最好食嘅係有芋頭嘅仙草，芋頭仙草加咗奶真係夾到不得了！係勁好食！ 另外大家嗌野食嗰陣時都要小心個份量！因為佢份量都算多！一個人其實未必食得晒一碗，除非你食完之後唔打算食飯！呢個其實係正餐嘅份量！😂 總括而言，當然可以值得一試！