影片
更多
2022-05-10
116 浏览
呢間手作芋圓小店我由佢地淨係得外賣店就已經bookmark左，呢日終於搵到時間可以堂食～配料有好多選擇！真係冇令我失望～🍽食物👍🏻招牌自家制芋圓(配4.3牛乳) $46⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯配料：仙草凍、包心芋圓、芋圓、地瓜圓、紫薯圓、粉圓、西米⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我地嗌左2碗都好足料！其中最有驚喜係包心芋圓，外面係煙韌既口感，入面係綿密既芋泥，而且唔太甜，同4.3牛乳勁夾！另外芋圓、地瓜圓同紫薯圓都唔會淨係得粉感，可以品嘗到原料既味道，如果同鮮芋仙既芋圓比較，鮮芋仙係比較淋啲，芋圓控就會比較紮實，各有千秋。仙草凍同西米雖然好似配角咁，但就令成碗既口感更豐富～👍🏻奶共不了(配椰汁) $42⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯配料：奶茶凍、蜜紅豆、芋泥球、包心芋圓、芋圓、粉圓⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯衝住奶茶凍而嗌呢個，果然茶味濃郁，仲有少少茶澀，同埋唔會好甜！芋泥球都一樣咁綿密，粉圓原來係珍珠，好煙韌而且有陣黑糖味。我就揀左配椰汁，一開始食芋圓食到有椰子味覺得好香～不過發覺愈食愈甜😂唔係螞蟻人既話就可能揀淡奶或者4.3牛乳會冇咁容
🍽食物
👍🏻招牌自家制芋圓(配4.3牛乳) $46
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
配料：仙草凍、包心芋圓、芋圓、地瓜圓、紫薯圓、粉圓、西米
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
我地嗌左2碗都好足料！其中最有驚喜係包心芋圓，外面係煙韌既口感，入面係綿密既芋泥，而且唔太甜，同4.3牛乳勁夾！另外芋圓、地瓜圓同紫薯圓都唔會淨係得粉感，可以品嘗到原料既味道，如果同鮮芋仙既芋圓比較，鮮芋仙係比較淋啲，芋圓控就會比較紮實，各有千秋。仙草凍同西米雖然好似配角咁，但就令成碗既口感更豐富～
👍🏻奶共不了(配椰汁) $42
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
配料：奶茶凍、蜜紅豆、芋泥球、包心芋圓、芋圓、粉圓
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
衝住奶茶凍而嗌呢個，果然茶味濃郁，仲有少少茶澀，同埋唔會好甜！芋泥球都一樣咁綿密，粉圓原來係珍珠，好煙韌而且有陣黑糖味。我就揀左配椰汁，一開始食芋圓食到有椰子味覺得好香～不過發覺愈食愈甜😂唔係螞蟻人既話就可能揀淡奶或者4.3牛乳會冇咁容易漏！
⛩環境
👍🏻店面都幾大，採用簡約設計，日光充足，顯得好光猛。枱同枱之間既距離都唔會太近，可以坐低慢慢食
💁🏼♀️服務
👍🏻店員招待有禮貌，係counter落左單之後會有員工送過嚟，上菜之前都會介紹
📝總評 9/10
環境舒服，食物高質，佢哋仲有焙茶圓、抹茶圓仲有好多款我都想試！不過一碗真係好足料，食完已經飽到反艇😂要再嚟試埋其他組合～
👛人均消費 ~$43 (冇加一)
⏱冇限時
张贴
