豆腐巴克

营业中

休息中

喺隔離食完個點心LUNCH，就行嚟呢間舖頭細細，座位唔多嘅小店，打算食碗糖水就走人。星期六下午2點半左右嚟到，已經滿座😮，所以決定外賣拎走企喺度食。買外賣果陣望到每枱都點一碟炸芋圓，其實本身都想試，但以掃街嚟講，已經點左個芋圓糖水，如果再食多個頂胃芋圓，太唔明智啦😅。如果芋圓好味，下次嚟試都未遲😏。招牌芋圓4號 $36+1 (外賣加$1)仙草有黑糖味得嚟又唔會好甜👍；豆腐好有豆香，不過唔夠滑，鞋左少少；三色芋圓口感較為軟身同少少痴牙，同埋無乜芋頭、地瓜味，少許失望；芋泥就好有芋味。估計下次嚟京瑞廣場，未必會再食呢度嘅芋圓。