影片
更多
2009-02-03
4 浏览
12月25日, 繼續聖誕節快樂~聖誕節晚上, 一貫我地唔食聖誕大餐嘅習慣, 因為多數聖誕大餐都係嗰幾樣仲要貴到嘔~ 寧願食d平時都係貴貴地嘅野, 呀菲提議黎呢度, 有少少僻, 晚餐時間都唔係太多人, 可能個個都去咗食聖誕大餐~ 令我地有一個寧靜嘅聖誕夜~::: Magical Mushroom ::: $65塊扒足有成寸厚, 啱啱煎起好新鮮, 亦唔太多油, 唔會浸到塊漢堡包一pat野. 下面有生菜托底, 上面係混入芝士嘅蘑菇, 未食已經睇到好豐富~ 咬一口, 漢堡包面好脆, 好似豬仔包咁, 仲好香牛油味~ 牛扒, 蘑菇, 芝士同生菜都好夾, 牛扒好多肉汁~ 非常juicy!! 雖然唔平不過份量十足, 想1啖食晒個包同料你個口都真係要有番咁上下大!! 一個人食真係會超飽~::: Poutine “A” ::: $39薯條上鋪滿芝士肉汁, 剛炸起嘅時候好香, 食落都好香口, 濃味醬汁融化咗喺薯條裏面, 好正~ 弊在當佢好快就凍咗, 就有d一pat pat嘅感覺, 薯條淋得好快, 醬汁味流失咗, 要點茄汁先有味, 呢個時候真係愛爾蘭瘋薯好味過佢! 唔係太適合我地慢慢食嘅心態~ 我諗如果要番普
聖誕節晚上, 一貫我地唔食聖誕大餐嘅習慣, 因為多數聖誕大餐都係嗰幾樣仲要貴到嘔~ 寧願食d平時都係貴貴地嘅野, 呀菲提議黎呢度, 有少少僻, 晚餐時間都唔係太多人, 可能個個都去咗食聖誕大餐~ 令我地有一個寧靜嘅聖誕夜~
::: Magical Mushroom ::: $65
塊扒足有成寸厚, 啱啱煎起好新鮮, 亦唔太多油, 唔會浸到塊漢堡包一pat野. 下面有生菜托底, 上面係混入芝士嘅蘑菇, 未食已經睇到好豐富~ 咬一口, 漢堡包面好脆, 好似豬仔包咁, 仲好香牛油味~ 牛扒, 蘑菇, 芝士同生菜都好夾, 牛扒好多肉汁~ 非常juicy!! 雖然唔平不過份量十足, 想1啖食晒個包同料你個口都真係要有番咁上下大!! 一個人食真係會超飽~
::: Poutine “A” ::: $39
薯條上鋪滿芝士肉汁, 剛炸起嘅時候好香, 食落都好香口, 濃味醬汁融化咗喺薯條裏面, 好正~ 弊在當佢好快就凍咗, 就有d一pat pat嘅感覺, 薯條淋得好快, 醬汁味流失咗, 要點茄汁先有味, 呢個時候真係愛爾蘭瘋薯好味過佢! 唔係太適合我地慢慢食嘅心態~ 我諗如果要番普通薯條會好d~
::: Peachie Pink ::: $35
一杯有桃, 橙, 香蕉同熱情果嘅smoothie, 叫peachie, 其實係想話bitchy咋呱哈哈~以桃做名字, 反而最出嘅味係橙同香蕉, 有少少酸味又帶d杰杰地嘅香蕉質地, 飲落味道幾新鮮, 充滿水果嘅香甜~ 睇住出面街慢慢飲杯smoothie好寫意~
美式快餐價錢中等, 食物水準中上, 即叫即製~ 睇d食評應該平時係好多人, 今晚特別d冇乜人, 望出街又係冇人冇車, 去咗一個在銅鑼灣但係遠離繁囂嘅地方~
张贴
