藍象泰國餐廳 (已結業)

呢間泰國野，係行西餐fusion 路線，裝修都係西式豪華風，無得坐窗邊位望海。(炸軟殼蟹 $98，香茅炸蝦餅 $54/半份，燒大蝦炒金邊粉 $152，黑白糯米飯配泰國芒果 $88)炸軟殼蟹 L原隻軟殼蟹拎去炸，蟹肉好厚身，同竟然食到肉汁！配既醬汁辣辣地，幾惹味！上碟仲有不少沙律菜墊底，好新鮮同中和不少油膩感。香茅炸蝦餅 ：內裡有大大粒蝦肉，咬感爽口，好新鮮，不知不覺就食晒燒大蝦炒金邊粉 ：味道好正宗，酸酸甜甜咁，隻大蝦成隻龍蝦咁大！大大啖肉，好爽口。燒過之後個殼好香，食落更加惹味。黑白糯米飯配泰國芒果：糯米煮得好靚，配埋夠晒大大粒既芒果，可惜當晚既芒果唔夠甜。糯米飯整成細細粒既一口既大細，好方便食。總共有兩款口味，白糯米香D，配椰漿，黑糯米有咬感D就配芒果漿。除左芒果糯米飯，仲跟埋個雲尼拿雪糕，上面仲淋上溶朱古力同加左D脆脆，一啖食晒落口，口感好豐富丫。