鮮道樂 (已結業)

平時食放題一定落盡力，大大力，係咁叫係咁食，趕頭趕命咁食嘅咁多位朋友，有個好消息宣佈就係鮮道樂係可以任你食5.5小時，仲可以畀你坐得舒適食得招積！店員非常有禮，真係有令人賓至如歸嘅感覺！成個過程食得好輕髮慢慢食，一開頭先一人食咗個set入邊嘅options先，咁就個人來講最喜歡嘅就係呢個燒肉！有豬肉或者牛肉任君選擇，我就揀咗牛肉食，好juicy，最重要係放上舊石到自己慢慢燒，十分過癮！而個set嘅人options入邊仲有得食大蜆，好香好清甜！而另一個重頭戲呢就係呢個蟹蓋！好香好好味，仲有兩塊米通畀你yam啲蟹膏食，好正！食完呢啲main course就叫啲自己最鍾意食嘅海膽手卷同埋燒鰻魚！鰻魚燒得非常到位，好香，個燒汁亦都好正，唔會太多或者太少！海膽鮮甜冇腥味！足足食咗兩個咁多！呢條燒鯖魚係我食放題必叫之美食，呢到嘅燒物樣樣都燒得好到位，真係令人好滿意！食放題當然唔少得甜品啦！呢個北海道牛乳布甸真係一個美麗嘅點綴！