緣味小聚 (LADDER Dundas) (已結業)

呢一間緣味小聚嘅5小時任食鮑魚海鮮蒸鍋，就咁聽個名都已經非常有霸氣！而且我自己真係冇聽過有一間任食嘅地方可以用五個鐘頭任食🤣🤣可想而知呢間餐廳係幾咁大方！！所以今日都同朋友過咗嚟呢度會一會佢😋呢個任食嘅鮑魚海鮮蒸鍋，首先出場嘅就係大大盤嘅海鮮盛盤😳材料非常豐富，而且呢度嘅店員都會好細心咁每一款海鮮較好咗timer，然後幫我哋整好晒俾我哋食！非常窩心😊我自己好印象深刻嘅就係琵琶蝦，呢一個琵琶蝦雖然冇得再追加，不過其實食半隻都已經好足夠！琵琶蝦嘅蝦肉非常厚，而且好大隻！基本上食半隻都分咗幾啖去食，呢個感覺已經好爽！仲要佢非常鮮甜👏🏻👏🏻另外就係聖子，就咁原汁原味用蒸鍋去整嘅海鮮真係好正，特別係呢個聖子，本身非常大隻，諗住蒸完之後會有少少縮水，但係竟然完全冇！而且呢個聖子好甜，好多肉！✌🏻