烏蠅館 (已搬遷) 新店位置

同女朋友收工行開尖沙咀，天寒地凍又唔想打邊爐住(因為依排打得太多)，結果就揀左烏蠅館去食烤魚一出lift門，見到大大既兩個招牌門面用上簡約既裝修，牆壁上擺滿各種茶杯，視覺上有種休閒養生既感覺，坐得舒服叫左個三峽香辣烤魚，配上六種配料$338配料包括海帶，油麥菜，娃娃菜。玉子豆腐，雞髀菇同埋芋絲烤魚係深圳就食得多，老實講香港都係第一次。完全無令我地失望，滿滿既香料蓋住先煮好既魚同配料，首先大火加熱到冒煙，轉返個細火就食得店主用上多寶魚做主菜，多寶魚size算大，唔會幾下就食哂，加上少骨，味道夾得黎又食得方便味道方面唔算太辣，但就非常之香，全因店主加上大量的蒜蓉作調味，啖啖魚肉都非常之入味點少得飲品同啤酒埋單400蚊兩個人食，食到女朋友先投降嗌飽，最後我都頂唔順。依個性價比無得頂！