麻辣小聚 (93WYS) (已結業)

今日有新同事返工，見到佢lunch time嘅時候唔知食咩好，於是就約咗佢一齊，帶佢去食呢一間喺公司附近新開嘅麻辣小聚👏🏻呢一間餐廳lunch time嘅時間都唔算話好多人，所以唔使等位就可以安排入座啦✌🏻叫咗一份香辣大盆菜，呢一個大盆菜好抵食， $78 ，入邊有好多唔同嘅蔬菜！而且呢度嘅蔬菜配合埋呢個香辣嘅醬汁，真係食得好惹味！食四川菜當然唔少得要食嘅就梗係酸菜魚啦，呢一個難忘酸菜魚好豐富，入面嘅魚肉份量都好多，而且魚肉好滑，加埋呢個酸菜湯底，酸酸辣辣咁嘅味道，真係非常吸引！