炯記手撕雞 (汝州街) (已結業)

呢日出咗深水埗買電腦用品，之後去西九龍廣場行一轉，睇吓有乜變化，跟住喺廣場附近嘅街搵食見到《炯記手撕雞》門面企理，店內光猛，店外嘅menu 有鵝油撈麵～～ 豬油撈飯就聽過，但未聽過鵝油撈麵，一於入去試試Order 咗2個”招牌太子鵝油撈麵”🔸清湯牛魔王撈麵牛魔王 = 牛腩同牛肚牛腩有嚼勁，肥瘦適中，牛肚夠腍清湯熬出嚟嘅肉唔會太濃味，攞嚟配搭鵝油撈麵就唔會搶咗鵝油嘅香喇 🔸炯記煙燻燒鵝撈麵店員上菜嘅時候見到上咗份燒鵝髀，我哋都wow 咗 🤩睇番menu，燒鵝如果要求指定部位需要加錢，如鵝胸就+$10，原隻鵝脾價錢會由$62跳到$108，問番店員，佢話其實切到唔同部份都係好random，我哋覺得都幾好彩呢～隻鵝髀賣相冇🉐️輸呢～好靚嘅油光，上碟亦有哂功架！鵝皮香脆，無肥膏咁滯；鵝肉非常嫰滑；連鵝骨都入埋味，好好味😋😋😋，係近年食過數一數二嘅出色燒鵝，下次家庭聚會應該會專程嚟買一隻去加餸呢～💕真心推介🏅第一次食鵝油撈嘅麵，估唔到幾好味，無鵝膻味，無油膩感粗麵嘅麵條質感煮得啱啱好麵嘅份量都幾多我哋其中一碗鵝油撈麵仲加咗蝦籽(+$8)，蝦籽有錦上添花嘅效果，值得加呢～除咗”鵝油撈麵”，仲叫咗2款小