上野鐵板燒專門店 (已結業)

今晚同老公去上野食鐵板燒，好好味，食得好開心~我地點左個帶子皇餐，有 2 隻好巨型既帶子，成個過程睇住師傅燒，真係好正!! ~清新豆腐沙律~ ~北寄貝~ 好新鮮、好甜 ~鐵板配菜~ 翠肉瓜+冬菇 ~蜆肉麵豉湯~ 味道淡左少少 ~原隻魷魚筒~ 好鍾意食魷魚，覺得呢個好好味 ~北海道帶子皇~ 呢個 dinner set 既重點!! 真係好大隻，好鮮味，好彈牙! ~美國頂級牛柳~ 好香牛味，配埋 d 炸蒜好正! ~日式炒雜菜~ 呢個唔好好多油 ~三文魚炒烏冬~ 三文魚整熟食好易有陣腥味，而我亦好怕好怕腥，好彩呢個無腥味，仲好香口添!整體黎講好滿意，又得睇又得食!!