粒粒果甜品 (已結業)

今日約左幾個舊同事喺旺角食飯，食完都意猶未盡就決定喺附近搵間糖水食，廣華街同黑布街一帶最多甜品鋪，最後我地揀左呢間！外面已經見倒店鋪非常光猛，裝修睇落令人好開心，因為用左好多鮮豔既顏色。Menu見倒甜品都以生果為主，仲有自創既水果星球，係啫喱裏面再加生果。呢個係朋友叫既芒冰蘆薈撈，係芒果汁底再加配料，有涼粉粒、龍眼乾、黑珍珠同蘆薈。試左一啖。芒果汁既味道比較假，似係用左芒果香精。但朋友就話配料唔錯，如果可以改為用新鮮芒果整芒果汁就好喇我就揀左熱既珍寶芋圓仙草，糖水底可以再揀椰汁、桂花糖、黑糖薑水或者茉莉花。我選擇左果糖薑水，薑味好重，冬天食一定好暖胃芋圓比平時食倒既大粒，入面仲有芋泥餡好有特色！下次會再黎試一試水果星球！