影片
更多
2022-08-07
16 浏览
又嚟介紹特色餐廳喇🍽！今次想同大家介紹一間比較上新嘅餐廳😗。我會留意到呢間餐廳嘅原因係因為佢喺商場來講唔係連鎖店🤣，商場多數都係啲平時都見到嘅連鎖店，但係呢一間竟然係一間新嘅漢堡包店🤩。呢一樣嘢已經吸引到我去留意啦🥳，即刻同大家睇吓我係呢間餐廳食咗啲咩啦🤪。環境方面☝🏻如果要形容呢間餐廳嘅裝修風格，我覺得只可以用色彩繽紛嚟形容👀。因為就咁經過都已經留意到間餐廳有幾咁colorful🤣，其中一埲牆仲要係彩虹拱門🌈，真係幾有心思🥰。另外佢都仲會有啲霓虹光管裝飾，睇得出餐廳係裝修方面都花咗啲心思👍。食物方面✌🏻#咖喱蛋包飯（$78）首先介紹嘅係咖喱蛋包飯啦🤩。我以為餐廳只係主打漢堡，估唔到呢間餐廳仲有提供蛋包飯🤭。今次我嗌嘅呢款咖喱蛋包飯另外都仲有一塊吉列豬扒👾，所以都算幾吸引㗎。講返個蛋包飯先，我覺得蛋嘅熟度啱啱好，食落都幾滑🥚，配埋啲咖喱食我覺得真係夠晒match🤪。至於佢塊吉列豬扒咬落都好脆😋，啖啖肉嘅口感我好滿意😬。#單層真妮漢堡（$78）講完蛋包飯跟住要講嘅當然就係餐廳嘅招牌漢堡啦🍔，今次我就揀咗呢一個單層真妮漢堡。講返個賣相先，其實我覺得佢啲餡料都幾充足😍，就咁睇已經見到有大量嘅
今次想同大家介紹一間比較上新嘅餐廳😗。我會留意到呢間餐廳嘅原因係因為佢喺商場來講唔係連鎖店🤣，商場多數都係啲平時都見到嘅連鎖店，但係呢一間竟然係一間新嘅漢堡包店🤩。呢一樣嘢已經吸引到我去留意啦🥳，即刻同大家睇吓我係呢間餐廳食咗啲咩啦🤪。
環境方面☝🏻
如果要形容呢間餐廳嘅裝修風格，我覺得只可以用色彩繽紛嚟形容👀。因為就咁經過都已經留意到間餐廳有幾咁colorful🤣，其中一埲牆仲要係彩虹拱門🌈，真係幾有心思🥰。另外佢都仲會有啲霓虹光管裝飾，睇得出餐廳係裝修方面都花咗啲心思👍。
食物方面✌🏻
#咖喱蛋包飯（$78）
首先介紹嘅係咖喱蛋包飯啦🤩。我以為餐廳只係主打漢堡，估唔到呢間餐廳仲有提供蛋包飯🤭。今次我嗌嘅呢款咖喱蛋包飯另外都仲有一塊吉列豬扒👾，所以都算幾吸引㗎。講返個蛋包飯先，我覺得蛋嘅熟度啱啱好，食落都幾滑🥚，配埋啲咖喱食我覺得真係夠晒match🤪。至於佢塊吉列豬扒咬落都好脆😋，啖啖肉嘅口感我好滿意😬。
#單層真妮漢堡（$78）
講完蛋包飯跟住要講嘅當然就係餐廳嘅招牌漢堡啦🍔，今次我就揀咗呢一個單層真妮漢堡。講返個賣相先，其實我覺得佢啲餡料都幾充足😍，就咁睇已經見到有大量嘅洋蔥🧅，同埋有啲蔬菜🥬，所以睇落都好吸引🤩。講多一個味道先，我特別欣賞佢嘅手打漢堡牛肉🐂，個口感好軟淰。食落都仲會感受到漢堡牛肉嘅肉汁👍，證明到佢嘅手打漢堡牛肉有幾咁新鮮。另外呢一個漢堡套餐都仲有跟薯條㗎🍟，所以真係一定夠飽！
#一口芝士（5件） ($28)
講完主菜就當然講吓我嗰日追加嘅小食啦🤪。首先介紹吓呢一個一口芝士先🧀，佢係一個炸嘅芝士嚟嘅。所以如果想食得邪惡啲嘅就真係可以叫埋佢🤣，識落嘅每一啖都有芝士味😚，食完之後我嘅感覺就係覺得好邪惡😈。
#日式小丸子（5粒）（$28）
跟住要介紹嘅第二款小食就係呢一個日式小丸子啦🤤，我自己就好耐冇食過呢款小丸子啦😋。講返值得讚嘅位，我覺得餐廳嘅日式小丸子俾咗好多紫菜條同埋柴魚片😚，呢一個份量都成功豐富到每一粒小丸子個口感👍。
#抹茶Latte ($26)
係時候講吓飲品啦，首先介紹吓呢一個抹茶latte先🍵。我覺得呢個天氣飲凍嘅抹茶latte真係好消暑🥵，latte都仲有啲抹茶嘅沉澱物，證明餐廳都係用真材實料去整嘅🫢，所以飲嘅時候記得要攪勻😎。
#Cappuccino ($20)
跟住介紹嘅第二杯飲品就係呢一個Cappuccino 啦☕️。我幾鍾意餐廳嘅Cappuccino 有夠多嘅泡沫👍，另外佢個咖啡味都好濃👾，夠晒提神🤣。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
张贴
