影片
更多
2018-04-20
613 浏览
好友M小姐生日，話想去打冷，我哋一行四人就去咗尖沙咀美麗華商場嘅百樂小館為佢慶生。這間百樂小館主打潮州菜，不知是否跟百樂潮州酒家同一集團，因為大家都是主打潮州菜。百樂小館我第一次到來，裝修得頗grand，不是一般的酒樓格局，感覺上很年青，而現價錢比想像中合理，好似幾抵食。坐下先每人奉上一杯功夫茶，再送上花生腰果和鹹酸菜。這裏的鹹酸菜做得超好吃，酸酸咸咸又帶少少甜味，再加上功夫茶，肯定會令你胃口大開。好，每人叫一個餸。潮州菜當然少不得鹵水拼盤，拼盤有五六款不同的鹵水，有墨魚，鹵水蛋，五花腩肉，鹵水鵝和豆腐。最值得一讚是款款也做得好好食，入味之餘又不會鹵得過火。平常我從來都不會吃五花腩，怕肥膩。他們吃過後你一言我一語話好美味呀！我忍不住吃了一嚿，，果然好吃，因為鹵得很入味，但豬肉的鮮味仍在，而肥肉部分吃進口完全不覺肥膩，只覺爽口，真係好好食。另外一個我很喜歡的就是蕃茄煮紅衫魚。是一度非常普通的家常菜，但講真又真係好多年冇食過。今次重遇上，有種回家吃飯的感覺。紅衫魚煎得香香的，再加蕃茄蛋一同再煮，醬汁好好下飯，好美味亦好懷念。甜品我哋選了蛋白杏仁茶。這個甜品又令我們有意外驚喜。絕對比坊間很多
坐下先每人奉上一杯功夫茶，再送上花生腰果和鹹酸菜。這裏的鹹酸菜做得超好吃，酸酸咸咸又帶少少甜味，再加上功夫茶，肯定會令你胃口大開。
好，每人叫一個餸。潮州菜當然少不得鹵水拼盤，拼盤有五六款不同的鹵水，有墨魚，鹵水蛋，五花腩肉，鹵水鵝和豆腐。最值得一讚是款款也做得好好食，入味之餘又不會鹵得過火。平常我從來都不會吃五花腩，怕肥膩。他們吃過後你一言我一語話好美味呀！我忍不住吃了一嚿，，果然好吃，因為鹵得很入味，但豬肉的鮮味仍在，而肥肉部分吃進口完全不覺肥膩，只覺爽口，真係好好食。
另外一個我很喜歡的就是蕃茄煮紅衫魚。是一度非常普通的家常菜，但講真又真係好多年冇食過。今次重遇上，有種回家吃飯的感覺。紅衫魚煎得香香的，再加蕃茄蛋一同再煮，醬汁好好下飯，好美味亦好懷念。
甜品我哋選了蛋白杏仁茶。這個甜品又令我們有意外驚喜。絕對比坊間很多糖水舖都做得好味。杏仁茶香濃，甜度剛剛好，再配上燉蛋白，蛋香跟杏仁香氣非常夾，我們個個都非常讚賞這度甜點。
飲飽食醉，M小姐又大一歲啦！大家得閒要多聚聚，繼續尋覓好地方，食好嘢！
张贴
