影片
更多
2019-05-30
1460 浏览
睇完哂 open rice 嘅食評，大家只係以為呢間食店好似普通茶餐廳提供一般嘅早丶午丶晚丶茶餐及燒味。其實喺店舖隔離仲有私房菜，簡直係别有洞天。除咗價錢合理外，仲有各式佳餚海鲜任君選擇，的確係良朋共聚的好地方。今次我哋一行八人揀咗七菜一湯，成圍枱都係一千七百幾蚊賣單，抵到震！红燒乳鴿$68（記得要預訂）好食過“龍華”，皮脆肉滑，熱辣辣，燒得唔會過火，啱啱好。再加埋淮鹽食，更加惹味！讚呢款糯米釀雞翼（同樣要預訂）簡直係功夫之作，其他食店好少見到。雞翼中間釀滿炒香嘅糯米飯，食一隻已經好飽肚。雞翼又炸得夠香脆，外脆内軟嘅口感好特别。值得一試！炸大腸夠香口，唔會過火，而且大腸洗得乾淨，食落爽脆得嚟，又有咬口。佐酒一流！豉椒炒聖子，老闆特選大號聖子，八隻已經炒到成碟上枱見人，非常足料，绝不欺客。椒鹽瀨尿蝦大大隻，食落啖啖肉，加埋醃料入味，連殼都好有味。鮑魚炒西蘭花，鮑魚軟硬適中，有咬口之餘，醬汁很入味。西蘭花夠稔，唔會有種臭青味，兩者都非常夾配。大蜆炒麵，由於我本身不嗜炒幼麵，但大蜆極之甜美，非常新鲜，而且份量極多，可見老闆绝不吝嗇。抵食之選！咸菜胡椒鮮雞窩，點嘅時候以為與一般雞煲無分别。原來
今次我哋一行八人揀咗七菜一湯，成圍枱都係一千七百幾蚊賣單，抵到震！
红燒乳鴿$68（記得要預訂）好食過“龍華”，皮脆肉滑，熱辣辣，燒得唔會過火，啱啱好。再加埋淮鹽食，更加惹味！讚
呢款糯米釀雞翼（同樣要預訂）簡直係功夫之作，其他食店好少見到。雞翼中間釀滿炒香嘅糯米飯，食一隻已經好飽肚。雞翼又炸得夠香脆，外脆内軟嘅口感好特别。值得一試！
炸大腸夠香口，唔會過火，而且大腸洗得乾淨，食落爽脆得嚟，又有咬口。佐酒一流！
豉椒炒聖子，老闆特選大號聖子，八隻已經炒到成碟上枱見人，非常足料，绝不欺客。
椒鹽瀨尿蝦大大隻，食落啖啖肉，加埋醃料入味，連殼都好有味。
鮑魚炒西蘭花，鮑魚軟硬適中，有咬口之餘，醬汁很入味。西蘭花夠稔，唔會有種臭青味，兩者都非常夾配。
大蜆炒麵，由於我本身不嗜炒幼麵，但大蜆極之甜美，非常新鲜，而且份量極多，可見老闆绝不吝嗇。抵食之選！
咸菜胡椒鮮雞窩，點嘅時候以為與一般雞煲無分别。原來精髓在於湯頭，雞味融入湯中，非常鲜甜。胡椒咸菜很夾配，將整個湯的食味提升。甫上菜，不消一會大家已將整窩湯幹掉，幸好老闆大方，竟然幫我哋再加湯，十分滿足。
用料十足，湯料绝對不少，食到尾仲有好多雞件
雞煮過後仍然鲜嫩，入口嫩滑，湯頭的顏色濃濃的，見其色已知其味吧！
呢晚的確飽餐一頓，有種食盡珍饈百味的感覺。縱然食材並非貴價珍品，但可見老闆的誠意和厨子對每碟菜餚的心思，比真正的珍饈百味更彌足珍貴，係無法用金錢衡量。
閒談間老闆透露近年營商困難，租金丶工資不斷上漲，加上靚食材的成本很高，所以老闆已考慮將私房菜這邊结業，只留下燒味及茶餐廳那邊繼續營業。這意味着日後我哋又少一個聚腳的好地方！
张贴
