影片
更多
2020-11-17
38 浏览
今次介紹太子既呢間💛cafe，好耐之前係食評app上搵餐廳時見到佢有成幾百個好評👍🏻但差評👎🏻只得幾個已經想試，早幾日去開聯合廣場就順便去試下到底係咪真係咁好食🤔星期六差不多3點去到都有幾檯客人係門口等候👩🏻🤝👨🏼👩🏻🤝👨🏼，最後我地等左大概10分鐘左右就被安排入座🪑.主菜既菜式係全日供應，意大利飯🍛、意粉、天使麵、寬條麵🍝有唔少選擇，就連all day breakfast🍱 都有4款可以揀比較特別既係呢度仲有石燒牛扒🥩供應，最平個款78蚊就有交易，食物都算係幾多元化🤔******************************✨All day breakfast - Paradise Jumbo☀️🍱 ($128)每款早餐都配有橙汁🍊，不過就唔係鮮榨既🙈 至於4款早餐既分別其實只係每款再加多左配料，既然要食就當然係食最豐富既個款😆最先上桌既係果醬多士🍞，多士烘至外脆內軟，果醬就另上；抹滿帶有粒粒士多啤梨籽🍓既果醬後，平凡既多士顯得格外好食😋叫得做Jumbo，呢款早餐有齊西冷牛扒🥩、炒蛋🥚、煙火腿、煙三文魚🐟、煙肉🥓、直布羅陀腸、茄汁豆、薯餅🥔、烤蕃茄🍅、炒雜菌🍄、粟米🌽同田園沙
今次介紹太子既呢間💛cafe，好耐之前係食評app上搵餐廳時見到佢有成幾百個好評👍🏻但差評👎🏻只得幾個已經想試，早幾日去開聯合廣場就順便去試下到底係咪真係咁好食🤔
星期六差不多3點去到都有幾檯客人係門口等候👩🏻🤝👨🏼👩🏻🤝👨🏼，最後我地等左大概10分鐘左右就被安排入座🪑
.
主菜既菜式係全日供應，意大利飯🍛、意粉、天使麵、寬條麵🍝有唔少選擇，就連all day breakfast🍱 都有4款可以揀
比較特別既係呢度仲有石燒牛扒🥩供應，最平個款78蚊就有交易，食物都算係幾多元化🤔
******************************
✨All day breakfast - Paradise Jumbo☀️🍱 ($128)
每款早餐都配有橙汁🍊，不過就唔係鮮榨既🙈 至於4款早餐既分別其實只係每款再加多左配料，既然要食就當然係食最豐富既個款😆
最先上桌既係果醬多士🍞，多士烘至外脆內軟，果醬就另上；抹滿帶有粒粒士多啤梨籽🍓既果醬後，平凡既多士顯得格外好食😋
叫得做Jumbo，呢款早餐有齊西冷牛扒🥩、炒蛋🥚、煙火腿、煙三文魚🐟、煙肉🥓、直布羅陀腸、茄汁豆、薯餅🥔、烤蕃茄🍅、炒雜菌🍄、粟米🌽同田園沙律🥬；因為都頗為大碟，份量亦好足👍🏻，對女生👧🏻而言可能會多左d ，兩個人share食會比較好🤗特別想講既係西冷牛扒🥩都幾大塊下，食落有牛味，不過筋位有d韌要𡁻耐少少🤏🏻；炒蛋🥚尚算夠滑，可惜味道偏淡，如果濃味返d會更好🤔；粟米粒🌽食落甜甜地同有牛油香🧈唔錯；個人最鐘意既係兩塊薯餅🥔炸得夠乾身同夠脆口，唔會好似快餐店出品既咁多油，同埋食落無油溢味😋
-
✨素野菌黑松露炒意大利寬條麵🍄🍝 ($75)
呢碟寬條麵🍝份量同樣都幾多，兩個人share黎食都無問題👌🏻 上桌時聞到好香既黑松露味，拌勻既時候亦見到有不少黑松露醬既顆粒同埋雜菌切片🍄，感覺吸引🤩
比較意外既係原來麵內亦有不少蒜蓉🧄，食既時候黑松露既味道已被蒜頭蓋過，感覺似係食緊蒜炒寬條麵，同埋個人認為偏油左d🤏🏻
如果呢客寬條麵菜名有提及用蒜炒，佢既味道絕對係唔錯既，只係基於個人期望係會有黑松露味道但食唔到，有點兒失望😣
******************************
5點半前落單，意大利飯/意粉可以加15蚊有餐湯🥣同menu上任何飲品，飲品選擇同樣都幾多，除左特色咖啡☕️之外，仲有不少乳酪特飲、沙冰同梳打🍹可以揀
另外亦可選擇加25蚊揀原壺花茶🍵，或者加40蚊有紅/白酒🍷🥂
.
🍴餐湯🥣 (意大利飯+$15)
今日供應既係忌廉蘑菇湯，質感都算杰，湯內有不少蘑菇碎🍄幾有口感，菇味夠濃郁味道仲甜甜地，個人認為唔錯😋-
伯爵茶咖啡☕️ (跟餐) (單點$35)
揀左比較少見既伯爵茶咖啡黎試，奶泡非常幼滑，口感不錯；伯爵茶茶味🍵甚為突出，咖啡既味道亦唔會太重，適合平時少飲咖啡既朋友🤗******************************
👧🏻人均消費：$110
😋味道指數：3.5/5
💰抵食指數：3.5/5
🪑環境指數：3.5/5
💁🏻♀️服務指數：3.5/5
👍🏻再訪指數：3.5/5
-
📍Cafe Paradise
地址：太子砵蘭街412號地舖
⏰營業時間：12:00–22:30 (Mon–Fri)；
11:30–22:00 (Sat–Sun &
Public Holiday)
(📍杏花邨亦有分店，營業時間有所不同)
张贴
