光榮冰室 (兆和街) (已結業)

太耐冇食光榮，諗住近近地食個快餐，估唔到份量咁巨型，有啲嚇親😆，又好食，簡直係大胃王✖️窮人恩物😃‼️ 🍛🐤雞扒三眼仔蔥油飯 $58-大大粒太陽蛋🍳煎得好完美，冇過濃/乾！雞扒煎得香口肉滑，仲有大量蔥油撈飯！ 🍛🐽叉燒炒蛋飯 $56-叉燒肥瘦適中，肉質唔乾身！炒蛋屬於超絲滑個種🤗，重點係個豉油🤤❗️質地比較稠身，咸甜恰好帶油香，枱面放咗樽任你加，我係狂倒🤣。 🍝🐷XO豬扒炒公仔麵 $52-經炒過既豬扒肉質唔柴！公仔麵懷疑落左3包🤣，多到呢⋯⋯⋯公仔麵炒得夠鑊氣，配埋xo醬微微辣，好惹味啊！🤤 🥤跟餐-凍華田 都好飲，夠濃郁。