影片
更多
2014-08-13
113 浏览
七月七日喺「金裝燉奶佬餐廳」食完午餐行出黎，喺街口就接到一張傳單，介紹新開張o既「群記爽腩店」現正進行緊三天免費試食活動 。XO仔當然係第一時間返公司匯報啦，仲約埋靚仔經理第二日就去試食！深知免費試食必定好多人排隊，七月八日小肥一早就向老闆申請把食飯時間提前四十五分鐘 ，中午十二點三就落咗街，點知結果都排咗成個鐘先有位坐。人龍大多為年長o既公公婆婆，而且排滿狹窄o既街道，真係有少少阻礙隔壁幾間商店做生意，不過群記都好識做地自動送上湯河，以示歉意。據門外肥哥哥所講，店內有三十多個座位，試食期間只提供雙拼牛丸牛腩粉，雖然宣傳單張寫明只會免費送贈三百碗，但所有排咗隊o既人士都一定會有免費粉麵食，似乎店主乃慷慨之人也 ！老闆大方，伙計們都非常有禮，雖則忙得團團轉，食物全為免費派發，佢地並無黑面，對公公婆婆們亦能耐心對待，關懷備至，小肥真係幾感動架 ！群記新店開張不到三天，地方乾淨企理，餐具潔亮，感覺都好衛生，唯一問題係室溫，細佬喺三十幾度高溫下排咗成個鐘，入座時難免成身大汗，但因小店內空調不足，風扇又唔夠猛，食物滾熱辣，結果越食越熱。 牛腩牛丸雙拼河粉（正價$32）：試業期間，餐廳只
XO仔當然係第一時間返公司匯報啦，仲約埋靚仔經理第二日就去試食！深知免費試食必定好多人排隊，七月八日小肥一早就向老闆申請把食飯時間提前四十五分鐘 ，中午十二點三就落咗街，點知結果都排咗成個鐘先有位坐。人龍大多為年長o既公公婆婆，而且排滿狹窄o既街道，真係有少少阻礙隔壁幾間商店做生意，不過群記都好識做地自動送上湯河，以示歉意。
據門外肥哥哥所講，店內有三十多個座位，試食期間只提供雙拼牛丸牛腩粉，雖然宣傳單張寫明只會免費送贈三百碗，但所有排咗隊o既人士都一定會有免費粉麵食，似乎店主乃慷慨之人也 ！老闆大方，伙計們都非常有禮，雖則忙得團團轉，食物全為免費派發，佢地並無黑面，對公公婆婆們亦能耐心對待，關懷備至，小肥真係幾感動架 ！群記新店開張不到三天，地方乾淨企理，餐具潔亮，感覺都好衛生，唯一問題係室溫，細佬喺三十幾度高溫下排咗成個鐘，入座時難免成身大汗，但因小店內空調不足，風扇又唔夠猛，食物滾熱辣，結果越食越熱。
牛腩牛丸雙拼河粉（正價$32）：試業期間，餐廳只限煮製牛腩牛丸雙拼粉，食客可選擇河粉、米粉、米線、粗麵或幼麵。雖然碗粉係免費送贈，但群記絕不吝嗇，大大隻碗入面河粉份量非常足，牛丸有三粒，河粉面及碗內有多片牛腩，好飽肚 ！湯底味道香濃，毫不油膩，河粉嫩滑，牛丸爽口彈牙，XO仔只係嫌牛腩有少少嚡，差咁少少爽脆。
七月十日至十五日，餐廳以特價八蚊售賣河粉，人龍明顯短咗，但店內人流無減，全因特價粉麵均可外賣，不過客人必需自攜外賣煲或碗承載；只要食客要求，店主都會盡量配合，行出舖頭o既食客大多有讚冇彈。可免費享用美食，就算冷氣唔多夠，小肥同靚仔經理兩個都覺得好抵，最重要係「群記爽腩店」上下一心，老闆唔計交之餘，伙計們亦同樣地友善好客，個人覺得真係可稱得上為良心食肆 ！
张贴
