怒茶巷 (已結業)

葵廣越開越多茶飲店，今次食完布甸燒就去咗都係3樓嘅怒茶巷買野飲。呢間良心茶飲店提供多款茶飲系列，包括：怒純茶、怒果茶、怒鮮奶同怒芝士💛 好多選擇😍 店舖入面有好多mirror 同error嘅周邊，鏡粉可以去朝聖🤣 而且佢最新推出咗粟粟芝愛🌽 鍾意粟米嘅朋友仔不妨試下💓🥭芝芝芒芒好鍾意呢款😋 芝士奶蓋比例啱啱好 而且夠鹹香 芒果味都好突出 有啲似飲楊枝甘露🤤 正常甜度 沙冰好幼細 唔會好多冰👍🏻🧀芝士宇治抹茶呢款幾有驚喜 叫咗少甜少冰 抹茶味好濃 甜度適中😛 芝士奶蓋上面加咗用抹茶粉整嘅圖案 幾有心思❣️如果芝士奶蓋再多啲芝士味就更加正😋