和順記 (路德圍) (已結業)

疫情嚴重都係買外賣返屋企食比較穩陣！今次試嘅係荃灣和順記！聽名好似啲傳統燒味舖咁，但其實唔係！人哋係出名大大雞髀🍗$60左右有大大隻滷水雞髀+煎蛋飯！雞髀啖啖肉又夠入味，雖然好深色但佢唔會好咸👍🏻大隻到要分兩餐食～煎蛋仲有少少生，有蛋黃汁撈飯真係一流😋而已飯嘅份量都唔少，所以一盒真係好抵食！個排好似仲要外賣有折～等外賣都唔洗等好耐就有，拎到返屋企都仲係好香好好食！下次要堂食試埋佢哋嘅炸雞髀先得！