$198特上牛舌放題！今次試咗新蒲崗嘅「良い日涮涮鍋」，真心抵食！$198就可以任食特上牛舌，牛舌口感爽彈，牛味濃郁，絕對對得住個價錢！
牛肉方面，油脂分明，肉質軟嫩，入口即化；豬肉同樣出色，肉質軟滑，一啲都唔韌；驚喜嘅係連雞髀肉都有，嫩滑多汁，啱晒鍾意食雞嘅朋友！
出面自助區有大量蔬菜、丸類同其他火鍋配料，款式多多，任君選擇，乾淨整齊，補充得快。
湯底選擇都唔少，今次試咗兩款：
✨胡椒和牛湯 - 真心出色！湯底牛味極濃，胡椒香氣十足，唔使點豉油都夠味，好好味！
🍅蕃茄湯 - 偏酸少少，但非常開胃，越滾越出味，同蔬菜同肉類都好夾。
整體來講，$198有咁嘅質素同選擇，性價比高，一定會再encore！
1
