金鍋燒 (已結業)

來到葵芳圍，正苦惱食咩好時，發現4隻貓貓係店外籠子訓緊覺。身為奴才的我忍不住進內支持店家。原來呢度除左雞煲烤魚，仲有小菜串燒。於是叫左一個燒鯖魚，半隻雞同一個雜錦煲。仲多加一份蒜蓉多士因為沒想到食小菜仲可以有多士。咁岩生力做緊60蚊3枝優惠，於是馬上叫左3枝。而且仲有生力清啤，一路啤一路吹水一路食野，確係一大人生樂事。隻杯居然係銅杯，能夠令啤酒保持溫度，飲緊時候唔會咁快變暖而令到啤酒變得難飲，讚。多元化既餐廳，仲有生炸雞脾，可惜叫左半隻雞，不然都想試試。