老川皇

营业中

休息中

收工去旺角行下街順便食飯，今日咁啱想食d辣辣地既野即刻諗起要去老川皇！餐廳大環境乾淨，所以坐得好舒適。叫店員仲有個服務鈴，好方便。今日只係2個人食，所以嗌左3碟菜咋。前菜想辣辣地開胃d 叫左紅油豬耳豬耳好爽脆，d辣真係恰到好處唔會太辣，又好夠香。配埋大量芫荽，再更開胃！每次黎我都必嗌一條魚，唔想太肥食咁多辣油落肚。今日決左酸菜魚啖啖肉，條魚好滑又唔會魚腥味！d酸菜都好緊要，唔太酸夾埋塊魚一齊食味道好夾話減肥結果都忍唔住飲左幾啖湯最後就係嗌左個菜，都係想清清地！所以嗌左清炒萵筍絲。炒得好爽口，忍唔住撈左小小紅油豬耳個d辣汁一齊食好滿足！