滿屋日本料理 (已結業)

刺身：最普遍既三文魚，榮螺片，油甘魚，甜蝦，赤蝦等都有齊曬，上枱冰鮮又厚切，沾醬油同芥末一流，處理乾淨無鱗片，味道鮮甜。壽司：好多種類，軍艦，火炙，卷物至普通壽司都有，大力推薦火炙，炙燒左口魚既油膩感好正，芝士炸蝦卷材料份量比例恰好，全部壽司飯都唔會好大件想塞飽你咁，三文魚腩滑嫩，葱吞拿魚蓉軍艦超級正，魚蓉入口溶化，紫菜香脆。熟食：自助bar有炸物同冰震海鮮，葡撻同芝士撻較特別，前菜也頗醒胃，蟹翅好好味。飲品：呢到有日本梅酒同清酒任飲，愛酒既你一定要試，唔飲酒亦都有好多飲品選擇，連暖維他奶都有啊！