八鍋堂．中日火鍋專門店 (已結業)

一家大細想食火鍋同慢慢吹水，貪佢就腳，嚟到旺角/油麻地之間嘅呢間放題一嚟到嗌咗湯底先，好似返大陸食海底撈咁，有得揀4格嘅湯，實行一家大細都啱食我哋揀咗小辣嘅麻辣鍋，蕃茄鍋，牛乳鍋同埋豬骨鍋麻辣鍋好正，一睇就知有好足料嘅辣椒同豆卜蕃茄鍋出奇哋濃郁，又唔會太酸，好正豬骨湯好堅料，真係有成舊豬骨煲，牛乳鍋味道較淡，相對上冇咁特別我哋又叫肉又叫海鮮，咩都啱呢度同出面非任食嘅火鍋都冇咩分別，同樣有好多選擇叫咗個墨魚滑，帆立貝同蜆，淥熟咗之後好彈牙，點埋自己溝嘅醬汁食好啱叫咗好多碟普通肥牛，嚟嘅時候疊到高一高咁，每碟都有大約6片，唔知係咪跟人頭分俾我哋嘅海老天婦羅好新鮮，即炸上嚟，外面嘅脆皮好crispy，輕輕咁沾上我至愛嘅蛋黃醬，好好味開始叫多啲熟食，壽司都係我哋主打蟹棒壽司，鰻魚壽司，火炙三文魚壽司同帆立貝壽司唔同壽司配唔同嘅醬汁：蛋黃醬，鰻魚汁，胡麻醬同千島醬，每個配搭都有心意，好夾卷物同軍艦都好多選擇，有花之戀，加州卷，香蔥吞拿魚腩蓉等等......色彩繽紛令我哋都食慾大增炸雞軟骨落咗椒鹽去調味，細細粒夠脆口，一邊吹水就已經不知不覺食哂香芋丸配蛋黃醬都幾好食，不過一個甜一個鹹，未必個個都鐘