第三站

店舖鄰近地鐵站。裝修乾淨舒適，可以坐得耐，見隔籬枱畫咗好耐畫。店員友善，attentive。餐牌選擇多，設有套餐，價錢相宜。

✦ 香蒜白酒蜆肉意粉
份量稍大。蒜片、蒜油充滿油香，配合淡淡白酒味，滲透意粉。蜆肉鮮甜冇沙。意粉軟硬適中。

✦ 煙三文魚忌廉番茄醬扁意粉
煙三文魚嫩滑、帶少油脂香。忌廉番茄醬酸甜開胃。意粉掛汁，軟硬適中。

✦ 天婦羅魷魚
份量多。唔係一圈圈而係一條條，方便食用。粉漿薄、唔油膩、上枱熱辣辣。食得出魷魚鮮香。

✦ 開心果麻糬提拉米蘇
開心果味濃郁。面層鋪滿開心果碎、中間夾軟糯嘅麻糬，口感層次豐富。