影片
更多
2020-02-19
1498 浏览
今晚約左同事食飯，同事話想試下呢間小店，所以我地收左工就行左過黎。不過我地早得制，小店6點先開，所以我地周圍兜左下先再翻去。小店空間好細，得幾張枱，但枱同枱之間都幾有距離，感覺幾舒服。而且裝修，燈光等等，感覺都好似日本個啲家庭小店～當日仲一路播住王菲啲舊歌添！我地叫左幾樣野share，先上枱既係海量蔥溫泉蛋炒三文魚稻庭烏冬同龍蝦沙律。烏冬既湯清清地，三文魚無腥味，烏冬都幾彈牙。龍蝦沙律方面，龍蝦肉都幾多，入面仲有啲蟹籽定蝦籽？，卜卜脆～不過我覺得齋食龍蝦沙律既話差咁啲野，有啲紫菜配就好啦！跟住有明太子雞翼，雞翼脹卜卜包左好多餡，有啲辣辣地，外皮都幾香脆。牛肉大阪燒方面就要睇你鐘意食邊種大阪燒啦！因為一般既大阪燒粉漿通常比較多，但係呢個係每啖都食到佢既牛肉同椰菜，超足料！飲品方面我地叫左荔枝同巨峰提子乳酸梳打，兩款都幾清新，又有乳酸味，唔會太甜。成晚最唔好既地方係。。。點解隻隻歌都剩係播一段仔。。。小妹想聽哂成隻歌呀
小店空間好細，得幾張枱，但枱同枱之間都幾有距離，感覺幾舒服。而且裝修，燈光等等，感覺都好似日本個啲家庭小店～當日仲一路播住王菲啲舊歌添！
我地叫左幾樣野share，先上枱既係海量蔥溫泉蛋炒三文魚稻庭烏冬同龍蝦沙律。
烏冬既湯清清地，三文魚無腥味，烏冬都幾彈牙。龍蝦沙律方面，龍蝦肉都幾多，入面仲有啲蟹籽定蝦籽？，卜卜脆～不過我覺得齋食龍蝦沙律既話差咁啲野，有啲紫菜配就好啦！
跟住有明太子雞翼，雞翼脹卜卜包左好多餡，有啲辣辣地，外皮都幾香脆。
牛肉大阪燒方面就要睇你鐘意食邊種大阪燒啦！因為一般既大阪燒粉漿通常比較多，但係呢個係每啖都食到佢既牛肉同椰菜，超足料！
飲品方面我地叫左荔枝同巨峰提子乳酸梳打，兩款都幾清新，又有乳酸味，唔會太甜。
成晚最唔好既地方係。。。點解隻隻歌都剩係播一段仔。。。小妹想聽哂成隻歌呀
张贴
