大井町日式放題 (已結業)

媽子生日，諗住搵間近近地又未食過既放題，上網一搵見到大井町夠闊落，岩哂同好怕嘈既媽子食！唔使等位有得直入，見到有自助吧，你講得出既飲品都有，仲有生蝦、螺、生果、甜品、十足十自助餐咁坐低後待應已經比左張雪糕紙我，大概每人只可以點一樣！一黎梗係叫刺身啦，呢度仲有而家好少有既赤貝，赤蝦同甜蝦差不多甜，只係赤蝦大隻好多！北寄貝同帶子就係刺身中最新鮮好食既，有鮮甜既味道，另外仲有個白肉豚好似幾特別，但我唔敢食壽司亦都唔錯，d料好新鮮，由其係蟹籽，食落去‘爽爽’聲，而且細細舊，唔驚食剩！食完生冷野就食返d熟食啦，蟹粥好有驚喜，裡面有成隻蟹，仲有好多膏媽子就食左地獄拉麵，辣味同濃度都夠，只係d拉麵等得太耐軟左...食到呢度，我媽子話佢d熟野都唔錯，叫多個雞煲翅裡面好多冬菇，只係稀左d!燒物試左多春魚同鯖魚，多春魚燒到乾哂，但鯖魚就大大塊肉，冇鯹味，仲配上特別既柚子醋，夾左！另外又炒左個牛油帶子，竟然有鑊氣，上台仲熱辣辣，好有心既放題店