影片
更多
2020-06-27
297 浏览
屋子咖啡 #大圍 #黃店💛❗️舒適打卡Cafe 售賣台日料理❗️要數大圍最出名嘅Cafe，屋子咖啡必定係其中之一✨單單喺大圍已經有兩間分店，另外喺馬鞍山亦有一間。餐廳裝修有種家嘅感覺，用上白色木色營造出舒適和暖嘅氣氛☺️。喺OpenRice一睇，會見到有屋子咖啡、屋子空間同屋子生活，當日難得去到大圍就去晒兩間屋子咖啡同埋屋子空間睇👀發現屋子咖啡雖然只有一層，但售賣嘅食品甜品種類較多，包括有便當、窩夫、疏乎厘、戚風蛋糕。反而樓高四層打卡度較高、更working friendly嘅屋子空間就只係有鬆餅同烏龍麵🤨我哋比較想試唔同食品，所以就去咗屋子咖啡🤣另外亦有聽過人最推薦馬鞍山嘅屋子，去過嘅大家唔知你哋點睇呢🙈？聽聞經常要排長龍，但當日星期五下晝五點左右去到兩間都唔需要排隊就有位😆不過食食吓晏啲去到六點幾嘅時候餐廳都坐滿晒啦。下午茶時段嚟到會有下午茶餐，分別包括茶、輕食、甜品，可以選擇茶&食$58/茶&甜品$48/三款都要$82，價錢都幾親民。下午茶餐 桂花烏龍冰茶配清酒香梨窩夫🧇$48呢度嘅窩夫絕對係招牌之一，但留意佢嘅窩夫唔係一般見到外脆內軟格仔樣嗰種，反而係冬甩形狀🍩口感似雞蛋糕、美式鬆餅
❗️舒適打卡Cafe 售賣台日料理❗️
要數大圍最出名嘅Cafe，屋子咖啡必定係其中之一✨單單喺大圍已經有兩間分店，另外喺馬鞍山亦有一間。餐廳裝修有種家嘅感覺，用上白色木色營造出舒適和暖嘅氣氛☺️。
喺OpenRice一睇，會見到有屋子咖啡、屋子空間同屋子生活，當日難得去到大圍就去晒兩間屋子咖啡同埋屋子空間睇👀發現屋子咖啡雖然只有一層，但售賣嘅食品甜品種類較多，包括有便當、窩夫、疏乎厘、戚風蛋糕。反而樓高四層打卡度較高、更working friendly嘅屋子空間就只係有鬆餅同烏龍麵🤨我哋比較想試唔同食品，所以就去咗屋子咖啡🤣另外亦有聽過人最推薦馬鞍山嘅屋子，去過嘅大家唔知你哋點睇呢🙈？
聽聞經常要排長龍，但當日星期五下晝五點左右去到兩間都唔需要排隊就有位😆不過食食吓晏啲去到六點幾嘅時候餐廳都坐滿晒啦。
下午茶時段嚟到會有下午茶餐，分別包括茶、輕食、甜品，可以選擇茶&食$58/茶&甜品$48/三款都要$82，價錢都幾親民。
下午茶餐 桂花烏龍冰茶配清酒香梨窩夫🧇$48
呢度嘅窩夫絕對係招牌之一，但留意佢嘅窩夫唔係一般見到外脆內軟格仔樣嗰種，反而係冬甩形狀🍩口感似雞蛋糕、美式鬆餅咁，蛋香味重，非常紮實，同期望有少少落差🙈味道方面，揀咗個較為少見嘅香梨🍐一粒粒嘅梨非常香甜爽脆，巧妙地配上少少青提子乾，令到顏色賣相口感都豐富咗👍🏻另外鮮奶忌廉亦都非常順滑輕盈，為紮實嘅窩夫帶嚟濕潤。
桂花烏龍冰茶都幾香甜，加咗非常微小嘅糖水，飲到香濃嘅桂花味，啱晒夏天飲💕。
味道: 4.1/5
性價比: 4.3/5
淋草莓醬抹茶戚風蛋糕🍰$50
呢度嘅戚風蛋糕口感同想像中有啲出入，空氣感冇咁重，取而代之係較為綿密濕潤嘅口感，較似海棉蛋糕，不過依然好食😋最鍾意佢加上左草莓醬🍓草莓醬嘅酸甜度恰到好處，而且輕盈唔會太膩，同抹茶非常之夾。如果蛋糕嘅抹茶味可以再濃啲就更好。
味道: 3.9/5
性價比: 4.2/5
整體來講呢度嘅甜品性價比幾高，唔算太貴但係製作精美而且味道唔錯✨不過朋友同我都覺得佢哋個名同甜品不相符，我無論係窩夫定戚風蛋糕都唔係一般認知嗰種🧐🤓嚟到大圍想搵個地方嘆吓呢一間都係好嘅選擇💛。
桂花烏龍冰茶配清酒香梨窩夫
$48
24 浏览
0 赞好
0 留言
淋草莓醬抹茶戚風蛋糕
$50
11 浏览
0 赞好
0 留言
淋草莓醬抹茶戚風蛋糕
$50
10 浏览
0 赞好
0 留言
淋草莓醬抹茶戚風蛋糕
$50
15 浏览
0 赞好
0 留言
桂花烏龍冰茶配清酒香梨窩夫
$48
11 浏览
0 赞好
0 留言
淋草莓醬抹茶戚風蛋糕
$50
26 浏览
0 赞好
0 留言
张贴
