DAYS IN THE SUN

营业中

休息中

最近我發現咗一間叫「DAYS IN THE SUN」的cafe, 就係我係中環返黎個落車站個到。今日星期六特登落黎試下。我地叫左一份手作餃子同一份ALL DAY BREAKFAST，嘆左2杯靚啡。家常手作餃子SET餃子皮算薄而有咬口,餡料好飽滿,咬落去餡料嘅鮮味夠出，最欣賞係佢跟餐有2個小小既Madeleines，滿足埋想食甜品既胃。另外，我仲叫左個HAZELNUT Coffee，榛子個味道超吸引，同咖啡好夾，易入口。All Day Breakfast份量超足,包括咗炒蛋、沙律菜﹑三文魚﹑仲有2舊pancakes ,應有盡有!食物味道都唔錯,配搭得好和諧,仲可以配襯佢哋嘅手沖咖啡,係個完美的Brunch。🍳手沖咖啡帶有微酸,更突出咗咖啡本身特別既味道。環境方面,DAYS IN THE SUN行舒適簡約的木系風格,好有家的感覺，好適合一個人安靜地看書或者同朋友聊天。🏡整個用餐過程都非常悠閒自在。