Texas Burger (已結業)

每次喺朗豪坊遊蕩都會被呢間餐廳吸引住，因為有幾個較特別嘅卡位🤣今次終於的起心肝入去食，朋友同我分別叫咗德洲燒烤牛肉漢堡 ($88) 同煙燻英國車打芝士牛肉漢堡 ($78)，其中一個加錢變套餐，$36有半條酸瓜😂、薯條同普通飲品，其實佢哋嘅奶昔都幾出名咁、好多人叫，賣相真心唔錯，不過當日唔想食太多就冇叫到😝雖然漢堡係佢哋主打之一，但麵包唔似點樣烘過，不過芝士都叫拉到絲就算佢啦😛呢款煙燻芝士揀得唔錯，食得出佢獨特嘅味道又唔會喧賓奪主，好啱襯托漢堡扒👍🏻雖然成個包唔大，但食食下都幾飽🤣薯條都算脆，不過好快凍曬，可能翻炸嘅時間可以耐少少(?)🤔燒烤牛肉漢堡就仲有洋蔥圈同脆煙肉，疊得幾高下所以好難一啖咬落去，最後都係逐樣逐樣食😆煙肉煎得太耐所以有啲硬，洋蔥圈就正正常常，牛肉漢堡幾juicy幾香，整體嚟講唔錯不過其他配搭可能更好🙈可惜當時啲靚靚卡位全部滿咗，不過坐入面就私隱度高啲，職員都表示如果冇人排隊就可以繼續坐，成個感覺幾舒服😉